Qartal Construction — sıfırdan tam IT və biznes infrastrukturu

Başlanğıc nöqtəsi

Qartal Construction çoxsahəli tikinti şirkətidir — ofis, anbar, sahə nöqtələri və alıcı xidməti eyni vaxtda işləyir. Başlanğıcda hər tərəfin öz aləti və öz qeyd üsulu vardı: sənəd Excel-də, smena kağızda, satınalma WhatsApp-da, kameralar bir-birindən asılı olmadan. Məlumat səpələnmişdi, qərar gecikirdi.

Tələb tək bir alət deyildi: data serverdən firewall və unified network-ə, kameralardan turniketə, ERP-dən çağrı mərkəzinə, ictimaiyyətə açıq saytdan SEO-ya qədər tam paket. Hər biri tikinti sektorunun temposuna uyğun, bürokratik təbəqə yaratmadan qurulmalı idi və hamısı bir-biri ilə danışmalı idi.

Verilən qərarlar

1. İnfrastrukturu mərkəzdən başlatdıq — Bəhram əvvəlcə data serveri, firewall-u və unified network-ü ofisdə tam quraşdırdı; sahə nöqtələri sonra ardıcıllıqla əlavə olundu. Bu, sahə işini dayandırmadan genişlənməyə imkan verdi.
2. Təhlükəsizliyi əməliyyat qeydinin parçası kimi qurduq — kameralar və turniket yalnız “qoruyucu” deyil; smena, giriş-çıxış və kritik zona qeydləri eyni jurnalda toplanır və ERP-yə ötürülür.
3. ERP-ni layihə və material modullarından açdıq — tikintidə ən çox itən vaxt buradadır. Brigada rəhbəri material tələbini mobil giriş ilə açır, ofis satınalmaya birbaşa görür, maliyyə eyni qeyddən hesabat çıxarır.
4. Çağrı mərkəzini müştəri xidmət xəttinə çevirdik — alıcı sorğusu, mənzil müraciəti və daxili dəstək eyni ticket sistemində qeydə düşür; cavab vaxtı və sahibi açıq görünür.
5. Unified network ilə ofis və sahəni bir şəbəkəyə bağladıq — VPN, daxili faylların paylaşımı və IP telefoniya eyni quruluş üzərindədir. Sahə komandası ofis kimi işləyir.
6. Sayt və SEO-nu alıcı dilində tikdik — texniki tikinti termini yox, alıcının düşündüyü sözlər; obyekt səhifələri SEO baxımından struktur olaraq düzgün quruldu və ERP-dəki layihə qeydi ilə əlaqələndirildi.

İcra

İcra layihə qrafikinə paralel apardıq. Hər sprintdə bir modul canlıya çıxarıldı, sonrakı sprintə qədər sahə komandası onu real istifadədə yoxladı. Bəhram fiziki tərəfi obyekt-obyekt qurdu — server otağı, şəbəkə kabel xətti, kamera və turniket. Biz isə hər həftə sahədə komanda ilə qısa demo təşkil etdik. Real iş üzərindən düzəlişlər toplandı və ardıcıl tətbiq olundu; sistem komandanın istifadə tərzinə uyğunlaşdı, əksinə yox.

“Tikintidə sistem həmişə geri qalır. Biz bunu pozmaq üçün ERP-ni layihə qrafikinə uyğunlaşdırdıq və hər modulu sahə komandasının özü ilə birgə canlıya çıxardıq.”
— Elvin Şərifov

Nəticə

• Vahid ofis-sahə qeydi — material, smena, layihə statusu və sənəd eyni ERP-də cəmləşdi; məlumat səpələnməsi dayandı.
• Təhlükəsizlik və əməliyyat birliyi — kamera və turniket qeydləri smena hesabatlarının mənbəyidir; təhlükəsizlik “ayrı bir sistem” olmaqdan çıxdı.
• Müştəri sorğu axını — sayt formaları və çağrı mərkəzi eyni ticket sistemində toplanır; cavab müddəti və sahibi şəffafdır.
• Sahədə ofis kimi iş — unified network sayəsində brigada rəhbəri sənəd, e-poçt və telefoniya ilə ofis ilə eyni səviyyədə işləyir.
• Sayt və SEO — obyekt səhifələri alıcı sorğularında ardıcıl görünür və daxili layihə qeydləri ilə sinxronlaşır.